Çempionlar Liqasında həftənin ən yaxşı qolu

UEFA Çempionlar Liqasında 1/4 final mərhələsinin cavab oyunlarından sonra həftənin ən yaxşı qolu açıqlanıb.

Corner.az Avropa futbol qurumunun rəsmi saytına istinadən xəbər verir ki, bu ada İspaniyanın "Real Madrid" klubunun hücumçusu Rodriqonun İngiltərənin "Çelsi" klubu ilə matçdakı dəqiq zərbəsi layiq görülüb.

21 yaşlı futbolçu 80-ci dəqiqədə Luka Modriçin ötürməsindən sonra topu birbaşa qapıdan keçirib.

Qeyd edək ki, qarşılaşmanın əlavə vaxtı "kral klubu"nun 2:3 hesablı məğlubiyyəti ilə bitib. Londondakı ilk matçda 3:1 hesabı ilə qalib gələn Madrid təmsilçisi yarımfinala yüksəlib.