“Mançester Siti”nin baş məşqçisi Pep Qvardiola Çempionlar Liqasının ilk yarımfinal matçında “Real”a 4:3 hesabı ilə qalib gəldikləri oyun haqda fikirlərini bölüşüb. Corner.az UEFA-nın saytına istinadən xəbər verir ki, ispaniyalı çalışdırıcı hər iki komandanın fantastik oyun nümayiş etdirdiyini söyləyib:
“"Yaxşı oyun idi və oyunu izləyən hər kəs əminəm ki, bundan həzz alıb. Finala çıxmaq üçün Madriddə çox yaxşı oyun göstərməliyik. Biz əlimizdən gələni etdik və çox yaxşı oynadıq, lakin təəssüf ki, yalnız bir top fərqi ilə qalib gələ bildik. Madriddə möhtəşəm bir atmosfer olacaq və işimiz o qədər də asan olmayacaq, amma əlimizdən gələn hər şeyi edəcəyik."
"Bu gün hamımız əyləndik. Bu gün əylənməyən heç kim yox idi. Təbii ki, 4-0 bizim üçün daha yaxşı olardı. Hətta 8-0 (gülür). Bunlar Real Madrid kimi komandaya qarşı nağıl ola bilər".
