“Real”ın hücumçusu Kərim Benzema komandasının UEFA Çempionlar Liqasının “Mançester Siti” ilə ilk yarımfinal oyunu haqda (3:4) fikirlərini bölüşüb. Corner.az xəbər verir ki, 34 yaşlı futbolçu möhtəşəm yarımfinal oyunu olduğunu bildirib:
“Möhtəşəm komandaya qarşı möhtəşəm yarımfinal oyunu idi. “Mançester Siti” oyuna daha sürətli başladı. Amma biz ilk hissənin sonuna qədər təslim olmadıq və müəyyən şanslardan yararlanmağa çalışdıq. Belə böyük komandalara qarşı “fırtına”dan çıxmağı bacarmalısan. Biz bunu etdik və üç qol vura bildik”.
Benzema oyunda biri penaltidən “Panenka” zərbəsi ilə olmaqla dubl edib.
“Real”la “Mançester Siti” arasında cavab matçı mayın 4-də Madriddəki “Santyaqo Bernabeu” stadionunda keçiriləcək.
