“Vilyarreal”ın müdafiəçisi Raul Albiol UEFA Çempionlar Liqasının yarımfinal mərhələsinin “Liverpul”la ilk oyunu haqda fikirlərini bölüşüb. Corner.az İspaniya mətbuatına istinadən xəbər verir ki, 36 yaşlı futbolçu finala yüksələcəklərinə inandığını söyləyib:
“Çempionlar Liqası sona gəldikcə daha da çətinləşir. Əvvəlcə “Yuventus”, sonra “Bavariya”, indi də “Liverpul”. Biz bu qarşılaşma böyük məsuliyyətlə hazırlaşmışıq. Finala yüksələcəyimizə inanaraq, iki əla matç keçirəcəyik. İlk 90 dəqiqə səfərdə olacağımız üçün bu matçın çətin olduğunu hamımız bilirik. Komandamız hazırdır, çünki bu mövsüm bir sıra ciddi sınaqlardan uğurla keçib. Bilirik ki, bizə daha yüksək səviyyəli oyunçular müqavimət göstərəcək. Amma bizim də öz “silahlarımız”ın olduğunu düşünürəm”.
Bu gün keçiriləcək “Liverpul” – “Vilyarreal” matçı saat 23:00-da başlayacaq.