“Liverpul”un baş məşqçisi Yurgen Klopp Çempionlar Liqasında “Vilyarreal”a 2:0 hesabı ilə qalib gəldikləri yarımfinalın ilk oyunu haqda fikirlərini bölüşüb. Corner.az UEFA-nın saytına istinadən xəbər verir ki, almaniyalı çalışdırıcı cavab matçına da eyni formada çıxacaqlarını bildirib:
“Birinci hissədə yaxşı oynadıq. Oyuna münasibəti və düşüncə tərzimizi nəzərə alsaq hər şey yaxşı keçdi. İndi biz “Vilyarreal”ın qonağı olacağıq və finala yüksəlməyə çalışacağıq. Cavab matçına yüz faiz hazır olmalıyıq əks halda düşündüyümüzdən fərqli şeylər ola bilər. İkinci ayağımızı da birinci kimi atmağa çalışacağıq”.
Klopp, matçda komandasının ikinci qolu vuran Sadio Mane çıxışına da toxunub:
“Sadio Mane? İşini çox yaxşı görür. Mən onu mərkəzə oynatmağı xoşlayıram, amma o, sol və sağ cinahda oynaya bilir”.
“Liverpul” və “Vilyarreal” arasında cavab matçı mayın 5-də İspaniyada keçiriləcək. Qarşılaşma saat 23:00-da başlayacaq.