“Real”ın müdafiəçisi David Alaba Çempionlar Liqasının yarımfinalında “Mançester Siti” ilə cavab matçını buraxa bilər. Corner.az xəbər verir ki, 29 yaşlı futbolçu Madrid təmsilçisinin son məşqini buraxıb. Avstriyalı futbolçunun zədə səbəbindən MS ilə matçda iştirak etməyəcəyi ehtimal olunur.
Çempionlar Liqasının yarımfinal mərhələsinin “Real” – “Mançester Siti” oyunu sabah saat 23:00-da, başlayacaq. İlk oyunda “Mançester Siti” 4:3 hesabı ilə qalib gəlib.
