Liverpul finalda!

Bu gün UEFA Çempionlar Liqasında finala vəsiqə qazanan ilk komanda müəyyənləşib. Corner.az xəbər verir ki, yarımfinal mərhələsinin cavab oyununda “Vilyarreal” doğma meydanda “Liverpul”u (İngiltərə) qəbul edib. Mersisayd təmsilçisi ilk matçda 2:0 hesablı qələbə qazanmışdı.

Niderlandlı Danni Makkeli idarə etdiyi matça yaxşı başlayan İspaniya təmsilçisi ilk hissəni 2:0 öndə bitirib. Amma fasilədən sonra İngiltərə təmsilçisi oyunda dönüş etməyi bacarıb. Buraxılan qolların əvəzini artıqlaması ilə çıxan "Liverpul" əzmkar qələbə qazanaraq finala vəsiqə adlayıb.

UEFA Çempionlar Liqası, yarımfinal
Cavab oyunu
3 may

“Vilyarreal” (İspaniya) – “Liverpul” (İngiltərə) 2:3
Qol: B.Dia, 3. F.Koklen, 41 - Fabinyo, 62. L.Dias, 67. Mane, 74.
Vilyarreal, "Estadio de la Keramika" stadionu. Baş hakim: Danni Makkeli (Niderland)

Liverpul: Alisson, Trent Aleksander-Arnold, İbrahima Konate, Vircil van Deyk (k), Endryu Robertson, Fabinyo, Tyaqo Alkantara, Nabi Keyta, Dioqo Jota, Məhəmməd Salah, Sadio Mane.