“Liverpul” bir mövsümdə vurulan qol sayına görə klub tarixinin yeni rekordunu müəyyənləşdirib. Corner.az xəbər verir ki, sözügedən komanda buna Çempionlar Liqasının yarımfinalında “Vilyarreal”la cavab görüşündə 3:2 hesabı qələbə qazanaraq nail olub.
Nəticədə Mersisayd təmsilçisi 2021/22 mövsümündə vurduqları qolların sayını 139-a çatdırıblar. Bu isə klub tarixinin rekord göstəricisidir. “Liverpul” bu qolları bütün turnirlər çərçivəsində keçirdiyi 57 matçda vurub.
“Vilyarreal”a ilk görüşdə də 2:0 hesabı ilə qalib gələn “Liverpul” finala yüksəlib. Sözügedən komanda ÇL-in finalında “Real” - “Mançester Siti" cütünü qalibi ilə üz-üzə gələcək. Həlledici görüş mayın 28-də Parisdəki “Stade de Frans”da keçiriləcək.
