"Real"ın baş məşqçisi Karlo Ançelotti Çempionlar Liqasının yarımfinalının "Mançester Siti" ilə cavab oyunundan əvvəl fikirlərini bildirib. Corner.az xəbər verir ki, italyan mütəxəssis müdafiə olunsaq qol vurmağın çətin olacağını deyib:
"Müdafiə olunsaq, qol vurmağa çətinlik çəkəcəyik. Bəzən risk almaq məcburiyyətində qalırsınız. Çempionlar Liqasında PSJ-yə 4, "Çelsi"yə 5, "Mançester Siti"yə 3 qol vurmuşuq. Tək xarakterlə finala çıxmağımız mümkün deyil. Futbolçularımın özünə inamına, fərdi bacarığına ehtiyacımız var".
"Real" - "Mançester Siti" matçı bu gün saat 23:00-da start götürəcək. Komandalar arasındakı ilk oyunda "şəhərlilər" 4:3 hesablı qələbə qazanıb.
