ÇL-da yarımfinal mərhələsinin ən yaxşı qolu

UEFA Çempionlar Liqasında yarımfinal mərhələsinin ən yaxşı qolu bəlli olub.

Corner.az-ın məlumatına görə, bu ada İspaniyanın "Real Madrid" klubunun braziliyalı futbolçusu Vinisius Juniorun İngiltərədə "Mançester Siti" ilə ilk oyundakı dəqiq zərbəsi layiq görülüb.

21 yaşlı hücumçu 3:4 hesabı ilə uduzduqları matçda komandasının ikinci qoluna imza atıb. "Kral klubu" Madriddəki görüşün əlavə vaxtından rəqibini 3:1 hesabı ilə məğlub edərək finala yüksəlib.

"Real Madrid" finalda İngiltərə "Liverpul"u ilə qarşılaşacaq. Həlledici oyun mayın 28-də Fransanın paytaxtı Parisdəki "Stad de Frans"da baş tutacaq. Görüş Bakı vaxtı ilə saat 23:00-da başlayacaq.