“Real”ın baş məşqçisi Karlo Ancelotti Çempionlar Liqasının finalında “Liverpul”a qarşı oyundan əvvəl fikirlərini bölüşüb. Corner.az xəbər verir ki, italiyalı mütəxəssis matçdan əvvəl təşkil olunan mətbuat konfransında bunları deyib:
“Bütün finallarımla bağlı yaxşı xatirələrim var. “Milan”ı çalışdırdığım vaxt 2005-ci ildə “Liverpul”a uduzduq. Bu gün iki böyük komanda üz-üzə gələcək və daha cəsarətli və şəxsiyyətli komanda sonda qalib gələcək. Amma bu gün futbolçularıma deməyəcəm ki, qalib gəlmək üçün pis oynamaq lazımdır. (gülür)
Finala yaxşı hazırlaşmaq üçün vaxtımız oldu. Əminəm ki, bütün gücümüzü ortaya qoyacağıq”.
Çempionlar Liqasının final oyunu bu gün keçiriləcək və saat 23:00-da başlayacaq.