“Real”ın baş məşqçisi Karlo Ançelotti UEFA Çempionlar Liqasında yeni rekord müəyyənləşdirib. Corner.az xəbər verir ki, o, qitənin ən nüfuzlu klub turnirində baş məşqçi kimi 4-cü qələbəsini qazanıb.
62 yaşlı mütəxəssisin komandası həlledici matçda İngiltərə “Liverpul”una 1:0 hesabı ilə qalib gəlib. Bu, Ançelottinin turnirdə 4-cü çempionluğu olub. Nəticədə Karlo Çempionlar Liqasında dörd dəfə çempionluq əldə edən ilk məşqçi kimi tarixə düşüb. O, hərəyə 3 belə qələbəsi olan Zinəddin Zidan və Bob Peyslini qabaqlayıb.
Xatırladaq ki, italyan mütəxəssis daha əvvəl “Milan”la 2 (2003, 2007), “Real”la 1 dəfə (2014) ÇL-in qalibi olub.
