Futbol üzrə UEFA Çempionlar Liqasında 2021/22 mövsümünün son həftəsinin ən yaxşı oyunçusu müəyyənləşib. Corner.az UEFA-nın saytına istinadən xəbər verir ki, qitənin ən nüfuzlu klub turnirinin qalibi olan “Real”ın qapıçısı Tibo Kurtua mövsümün ən yaxşısı seçilib.
30 yaşlı qolkiper “Liverpul”la final matçında (1:0) 9 seyv etməklə komandasının qələbəsində əsas pay sahibinə çevrilib.
ÇL-də son həftənin ən yaxşı oyunçusu adına “Real”ın daha 2 futbolçusu - Vinisius Junior və Kazemiro, həmçinin “Liverpul”un müdafiəçisi İbrahima Konate də namizəd idi.
