"Qarabağ"ın UEFA Çempionlar Liqasının 1-ci təsnifat mərhələsindəki rəqibi "Lex" (Polşa) yoxlama oyununda növbəti matçına çıxıb. Corner.az xəbər verir ki, "Poqon"la üz-üzə gələn Poznan təmsilçisi rəqibinə minimal hesabla məğlub olub - 0:1.
Razılaşmaya görə, tərəflər hər biri 30 dəqiqədən ibarət 3 hissə oynayıblar.
Xatırladaq ki, "Lex" ilk yoxlama matçında Polşanın 2-ci liqasında mübarizə aparan "Vidzev"lə qarşılaşaraq 1:2 hesabıyla uduzmuşdu.
"Qarabağ" "Lex"ə qarşı ilk oyununu iyulun 5-də səfərdə, cavab görüşünü isə 1 həftə sonra Bakıda keçirəcək.