Futbol üzrə UEFA Çempionlar Liqasının 1-ci təsnifat mərhələsi çərçivəsində Azərbaycan çempionu “Qarabağ”la Polşanın “Lex” klubu arasında keçiriləcək oyunlar canlı yayımlanacaq. Corner.az xəbər verir ki, Ağdam təmsilçisi iyulun 5-də Polşada “Lex”in qonağı olacaq.
Bu oyun “CBC Sport” kanalı vasitəsilə canlı göstəriləcək. İyulun 5-də Poznan stadionunda keçiriləcək matça Bakı vaxtı ilə 22:00-da start veriləcək. Bu komandaların bir həftə sonra Bakıda keçiriləcək matçını da böyük ehtimalla bu telekanal canlı nümayiş etdirəcək.
