Futbol üzrə Polşa Super Kubokunun qalibi müəyyənləşib. Corner.az xəbər verir ki, həlledici oyunda son ölkə çempionu “Lex”lə Polşa kubokunun qalibi olan “Rakuv” qarşılaşıb.
“Rakuv” bu oyunda 2 cavabsız qolla qələbə qazanaraq Super Kubokun qalibi olub. “Lex” 43 və 51-ci dəqiqələrdə buraxdığı qollarla Kuboka sahib olmağı əldən verib.
“Lex” UEFA Çempionlar Liqasının 1-ci təsnifat mərhələsində Azərbaycan çempionu “Qarabağ”ın rəqibidir. Bu komandalar arasında Polşada baş tutmuş ilk oyunda meydan sahibləri 1:0 hesabıyla qalib gəliblər. Cavab qarşılaşması isə iyulun 12-də Bakıda keçiriləcək.