"Qarabağ”ın futbolçuları Kadi Borges və Filip Ozobiç UEFA Çempionlar Liqasının 1-ci təsnifat mərhələsi çərçivəsində Polşanın “Lex” komandasına qarşı keçirdikləri cavab oyunundan danışıblar. Corner.az xəbər verir ki, onlar 5:1 hesabıyla qələbə qazandıqları matçdan sonra bunları söyləyiblər:
Kadi Borges: “Belə matçdan sonra nə demək olar? Bu, "Qarabağ"ın gücüdür. Evdə necə rahat olduğumuzu göstərdik. Hər matç fərqli olur. Bəzən oyunumuz alınmaya bilər. Əsas odur ki, başımızı dik tutaq. Növbəti mərhələdəki rəqibimiz olan İsveçrə “Sürix”i də güclü komandadır. Çətin olacaq”.
Filip Ozobiç: “Hər iki oyunda rəqibdən yaxşı komanda olduğumuzu göstərdik. Növbəti mərhələyə yüksəlməyi haqq edirdik. Oyunun məsuliyyətini dərk etdik. Baş məşqçinin bütün tapşırıqlarını layiqincə yerinə yetirdik".
