Çempionlar Liqası: Mahir Emrelinin komandası üçün yeni rəqiblər bilindi

UEFA Çempionlar Liqasında III təsnifat mərhələsinin püşkü atılıb.

Corner.az-ın məlumatına görə, İsveçrənin Nyon şəhərindəki tədbirdə 10 cütün tərkibi müəyyənləşib.

Azərbaycan millisinin futbolçusu Mahir Emrelinin şərəfini qoruduğu Xorvatiyanın "Dinamo" (Zaqreb) klubu Şimali Makedoniya "Şkupi"sini üstələyəcəyi təqdirdə, "Lüdoqorets" (Bolqarıstan) - "Şemrok Rovers" (İrlandiya) cütünün qalibi ilə üz-üzə gələcək.

UEFA Çempionlar Liqası, III təsnifat mərhələsi

Çempionlar Yolu

"Makkabi" (Hayfa, İsrail) / "Olimpiakos" (Yunanıstan) - "Apollon" (Limassol, Kipr)

"Qarabağ" (Azərbaycan) / "Sürix" (İsveçrə) - "Ferentsvaroş" (Macarıstan) / "Slovan" (Bratislava, Slovakiya)

"Lüdoqorets" (Bolqarıstan) / "Şemrok Rovers" (İrlandiya) - "Dinamo" (Zaqreb, Xorvatiya) / "Şkupi" (Şimali Makedoniya)

"Maribor" (Sloveniya) / "Şerif" (Moldova) cütünün qalibi - HİK (Finlandiya) / "Viktoriya" (Plzen, Çexiya)

"Linfild" (Şimali İrlandiya) / "Budyo Qlimt" (Norveç) - "Jalgiris" (Litva) / "Malmö" (İsveç)

"Srvena Zvezda" (Serbiya) - "Pünik" (Ermənistan) / "Düdelanj" (Lüksemburq)

Liqa yolu
"Monako" - PSV (Niderland)

"Dinamo" (Kiyev, Ukrayna) / "Fənərbağça" (Türkiyə) - "Şturm" (Qrats, Avstriya)

"Yunion" (Belçika) - "Reyncers" (Şotlandiya)

"Benfika" (Portuqaliya) - "Midtüllann" (Danimarka) / AEK (Larnaka, Kipr)

Qeyd edək ki, bu raundda ilk görüşlər 2-3 avqustda, cavab qarşılaşmaları isə 9 avqustda olacaq.