ÇL: Emrelinin komandası doğma meydanda Şkupi ilə bacarmadı

Bu gün futbol üzrə UEFA Çempionlar Liqasında II təsnifat mərhələsinə start verilib. Corner.az xəbər verir, ilk oyun günündə 7 matç keçirilib.

Azərbaycan çempionu “Qarabağ” doğma meydanda İsveçrə “Sürix”ini qəbul edib. Beş qolun qeydə alındığı bu matçda Ağdam klubu qələbəyə sevinən tərəf olub

Mahir Emrelinin formasını geyindiyi “Dinamo” (Zaqreb) isə Xorvatiyada Şimali Makedoniyanın “Şkupi” komandası ilə qarşılaşıb. Dörd qolun qeydə alındığı bu görüşdə isə qalib müəyyənləşməyib. Azərbaycan yığmasının üzvü Emreli zədə səbəbindən bu oyunda iştirak etməyib.

UEFA Çempionlar Liqası
II təsnifat mərhələsinin ilk oyunları
19 iyul

Qarabağ (Azərbaycan) – Sürix (İsveçrə) 3:2

Pünik (Ermənistan) – Düdelanj (Lüksemburq) 0:1

Jalgiris (Litva) – Malmö (İsveç) 1:0

Ludoqorets (Bolqarıstan) – Şemrok Rovers (İrlandiya) 3:0

Midtyulland (Danimarka) – AEK (Larnaka, Kipr) 1:1

Linfild (Şimali İrlandiya) – Bodo Qlimt (Norveç) 1:0

Dinamo (Zaqreb, Xorvatiya) – Şkupi (Şimali Makedoniya) 2:2