"Kloppa əsəbi idim" - Veynaldum

"Kimsə bizdən 4 qol vurmağımızı gözləmirdi. Ancaq biz  futbolda mümkünsüz deyə bir şeyin olmadığını göstərdik".

Corner.az  Britaniya mətbuatına istinadən xəbər verir ki, bu sözləri "Liverpool"un futbolçusu Corcinyo Veynaldum Çempionlar Liqasının yarımfinalında "Barcelona"ya 4:0 hesabı ilə qalib gəldikləri cavab oyunundan sonra deyib.

O, matçda ehtiyat oyunçular skamyasında başladığı üçün baş məşqçi Yürgen Kloppa əsəbiləşdiyini söyləyib: "Əslində ehtiyatda olduğum üçün məyus və Kloppa əsəbi idim. Sonra məni oyuna daxil etdi. "Bir şeylər etməliyəm" deyə düşündüm və iki qol vurdum".

28 yaşlı futbolçu komandasının möhtəşəm oyun nümayiş etdirdiyini vurğulayıb: "Finala çıxacağımıza inanmışdıq. Qalib gələ biləcəyimizi hiss edirdik. Bu, bir ehtimal idi və bunu bacardıq".