Zaqreb “Dinamo”sunda çıxış edən azərbaycanlı futbolçu Mahir Emreli Çempionlar Liqasının 3-cü təsnifat mərhələsində “Ludoqorets”lə (Bolqarıstan) səfər oyununda iştirak etməyəcək. Corner.az xəbər verir ki, 25 yaşlı futbolçu belindəki ağrı səbəbindən Bolqarıstana aparılmayıb.
Oyun bu gün saat 21:45-də başlayacaq.
Emreli Xorvatiya çempionatının 3-cü turunda “İstra 1961″ə 4:1 hesabı ilə qalib gəldikləri matçdan sonra belində olan ağrıları yenidən hiss etmişdi. O, sözügedən oyunda komandasının 4-cü qolunun müəllifi olmuşdu.
