Bu gün futbol üzrə UEFA Çempionlar Liqasında 3-cü təsnifat mərhələsinin ilk matçlarına yekun vurulub. Corner.az xəbər verir ki, sonuncu oyun günündə daha 5 görüş keçirilib.
Günün ilk qarşılaşmalarında Azərbaycan çempionu "Qarabağ" Macarıstan "Ferentsvaroş"unu, Norveçin "Bodo Qlimt" komandası Litva "Jalgiris"ni qəbul edib. Bakıda heç-heçə qeydə alınıbsa, Norveç çempionu rəqibinə 5 cavabsız qolla qalib gəlib.
Hayfa "Makkabi"si İsraildə Kipr "Apollon"unu qəbul edib və darmadağınla qələbə qazanıb. Kiyev "Dinamo"su Polşada Avstriyanın "Şturm" klubunu minimal hesabla üstələyibsə, "Srvena Zvezda" Serbiyada Ermənistan "Pünik"ini 5 cavabsız qolla məğlub edib.
Bu mərhələnin cavab oyunları avqustun 9-da keçiriləcək.
UEFA Çempionlar Liqası
3-cü təsnifat mərhələsinin ilk oyunları
3 avqust
Qarabağ (Azərbaycan) - Ferentsvaroş (Macarıstan) 1:1
Bodo Qlimt (Norveç) – Jalgiris (Litva) 5:0
Makkabi (Hayfa, İsrail) – Apollon (Kipr) 4:0
Dinamo (Kiyev, Ukrayna) - Şturm (Avstriya) 1:0
Srvena Zvezda (Serbiya) – Pünik (Ermənistan) 5:0
