Qarabağ ÇL-nın pley-offunda!

"Qarabağ” bu gün UEFA Çempionlar Liqasının 3-cü təsnifat mərhələsində cavab oyununa çıxıb. Corner.az xəbər verir ki, "köhlən atlar" Macarıstanda “Ferentsvaroş”un qonağı olub. “Groupama Arena”da keçirilən qarşılaşmanı ispaniyalı FİFA referisi Karlos del Serro idarə edib.

Azərbaycan çempionu bu oyunda iki əsas mərkəz müdafiəçisi – Maksim Medvedev və Kevin Medinadan yararlana bilməyib. Əvəzində ilk görüşü cəzalı olduqları üçün buraxan Kadi Borges və Riçard Almeyda komandanın baş məşqçisi Qurban Qurbanovun sərəncamında olub.

Bakıdakı ilk qarşılaşmada qalib müəyyənləşməmişdi – 1:1. Cavab görüşündə isə Ağdam təmsilçisi inamlı qələbə qazanaraq növbəti mərhələyə adlayıb.

Bu cütün qalibi pley-offda “Şerif” (Moldova) – “Viktoriya” (Plzen, Çexiya) duelinin güclüsü ilə görüşəcəkdi. “Ferentsvaroş” – “Qarabağ” cütündə uduzan tərəf isə Avropa Liqasının pley-offunda “Şemrok Rovers” (İrlandiya) – “Şkupi” (Şimali Makedoniya) cütünün məğlubu ilə qarşılaşacaqdı. Azərbaycan çempionu ÇL-in pley-offunda “Viktoriya” ilə üz-üzə gələcək.

“Qarabağ” mərhələni adlamaqla həm də Avropa Liqasının qrup mərhələsinə vəsiqəni təmin edib.

UEFA Çempionlar Liqası
3-cü təsnifat mərhələsinin cavab oyunu
9 avqust

Ferentsvaroş – Qarabağ 1:3
Qol: A.Traore, 86 – A.Zubir, 7. İ.Vadji, 54; 78.
Hakimlər: Karlos del Serro, Xose Naranxo, Qonsalo Qonsales, Migel Anxel Ortis Arias (hamısı İspaniya).
VAR hakimləri: Xavyer Estrada Fernandes, İqnasio İqlesias Vilyanueva.
Budapeşt, “Groupama Arena”.