"Qarabağ"ın UEFA Çempionlar Liqasının pley-off mərhələsindəki rəqibi "Viktoriya" (Plzen) Çexiya çempionatında növbəti oyununa çıxıb. Corner.az xəbər verir ki, Plzen təmsilçisi 3-cü turda səfərdə "Qradets-Kralove"nin qonağı olub.
Görüş son ölkə çempionunun 2:1 hesablı qələbəsi ilə yekunlaşıb. Qələbə sayəsində xallarının sayını 7-yə yüksəldən "Viktoriya" "Bohemians" və "Brno" ilə birlikdə ilk 3 pilləni bölüşdürür.
"Qarabağ" Çexiya təmsilçisinə qarşı ilk matçını avqustun 17-də Bakıda, cavab oyununu isə avqustun 23-də Plzendə keçirəcək.