Çexiyanın tanınmış mütəxəssisi Ladislav Vizek ölkəsinin mətbuatına açıqlamasında Çempionlar Liqasının pley-off mərhələsindəki “Qarabağ” – “Viktoriya” cütlüyü barədə fikilərini bölüşüb. Corner.az saytı xəbər verir ki, Çexoslovakiya millisinin sabiq futbolçusu həmyerlilərinə güvəndiyini bildirib:
“Mixal Bilek əla məşqçi olduğunu qurduğu sistemlə göstərdi. “Viktoriya” çox oyunda minimal hesabla qələbə qazanır ki, bu da özünəməxsus hiylədir. “Qarabağ” da keçilməz rəqib olmadığını düşünürəm. “Viktoriya” bunu bacarsa, hamının çox yaxşı bildiyi nağıl ili olacaq”.
67 yaşlı mütəxəssis plzenlilərin Azərbaycan çempionunu üstələməyə qadir olduğunu bildirib: “Qarabağ” arzuolunmaz rəqibdir. Onlar güclü “Ferentsvaroş”u məğlub etməyi bacardı. Şəxsən mən macarların mərhələ adlamasını gözləyirdim. “Qarabağ” qalib gəldi, amma yenə də Azərbaycan klubudur. Onlardan nə gözlədiyimi, həqiqətən də, bilmirəm. Hazırda şansları yarı-yarıya görürəm. “Viktoriya” qrupa düşməyi bacarsa, bu, “bomba” olacaq. Plzen klubunun uşaqları ölümsüzlük üçün oynayırlar”.
Qeyd edək ki, “Qarabağ”la “Viktoriya” arasında ilk oyun avqustun 17-də Bakıda, cavab görüşü isə ayın 23-də Plzendə keçiriləcək.