Çexiyanın “Viktoriya” (Plzen) komandası “Qarabağ”la UEFA Çempionlar Liqasının pley-off mərhələsinin ilk oyunu üçün Bakıya yollanan futbolçularının siyahısını açıqlayıb. Corner.az Plzen təmsilçisinin rəsmi saytına istinadən xəbər verir ki, siyahıda 23 oyunçu yer alıb.
Qapıçılar: Marian Tvrdon, Martin Yedliçka, Yindrjix Stanek;
Müdafiəçilər: Lukaş Heyda, Məhəmməd Tijani, Ludek Pernitsa, Vatslav Yemelka, Milan Havel, Filip Çihak, Libor Holik;
Yarımmüdafiəçilər: Vatslav Pilarj, Yan Sikora, Yan Kopiç, Con Moskera, Pavel Buxa, Kadu, Lukaş Kalvax, Aleş Çermak, Erik Yirka, Modu Ndiay;
Hücumçular: Yan Kliment, Tomaş Xori, Rene Dediç.
Sabah Tofiq Bəhramov adına Respublik stadionunda keçiriləcək “Qarabağ” – “Viktoriya” matçına saat 20:45-də start veriləcək. Bu komandalar arasındakı cavab qarşılaşması ayın 23-də Plzendə baş tutacaq.
