Avrokubokların pley-off mərhələsinin cavab oyunlarının ilk günü başa çatıb. Corner.az xəbər verir ki, bu oyunlardan sonra UEFA reytinqi açıqlanıb. Baş tutan 4 qarşılaşma müəyyən yerdəyişmələrə səbəb olub. Çexiyada “Viktoriya”ya uduzan “Qarabağ” Azərbaycanın xal hesabını artıra bilməyib.
Nəticədə ölkəmizin xalı dəyişməyib - 14,625 xal. Azərbaycan Avropada 29-cu pillədə qalıb. Bu xalların 2,000-si cari mövsüm əldə edilib. 28-ci olan Polşa ilə ölkəmizin fərqi 1,750-ə bərabərdir.
“Viktoriya”nın 2:1 hesablı qələbə qazanması Çexiyanın xal ehtiyatlarının artırın. Bu ölkə 2 pillə irəliləyərək 14-cü sıraya qalxıb. Çexiya Ukrayna ilə İsveçrəni keçib.
Daha bir dəyişiklik Türkiyə ilə bağlıdır. Qardaş ölkə bir pillə geriləyərək İsraili önə buraxıb.
Qeyd edək ki, siyahıya 88,998 xalla İngiltərə başçılıq edir.
