Tuçeldən Emrelinin komandası ilə oyun haqda açıqlama

“Çelsi”nin baş məşqçisi Tomas Tuçel Çempionlar Liqasının qrup mərhələsinin ilk turunda Zaqreb “Dinamo”su ilə keçiriləcək oyunla bağlı fikirlərini bölüşüb.

Corner.az xarici KİV-ə istinadən xəbər verir ki, o, Zaqreb təmsilçisinin texniki və emosional futbol göstərəcəyini bildirib:

“Dinamo” qalib gəlməyə öyrəşib, bu, onların mentalitetində var. Qrup mərhələsində işlərini layiqincə yerinə yetirdilər. Əminəm ki, onlar bizə texniki və emosional futbol göstərmək niyyətindədirlər. Onların fərdi istedadları var, “Dinamo”da, Xorvatiya komandalarında həmişə belə olub.

Onların sürəti və driblinqləri, yaxşı cinah oyunçuları var. Gözləntilərin üstündə oynamaq üçün zəif statusundan istifadə edirlər və imkanlarımızdan aşağı oynamağımıza əmin olmağa çalışacaqlar. Onların planı budur. Biz bunu yadda saxlamalıyıq”.

“Dinamo” – “Çelsi” matçı bu gün keçiriləcək və saat 20:45-də başlayacaq.

Zaqreb komandasında Azərbaycan millisinin hücumçusu Mahir Emreli də forma geyinir.