UEFA Çempionlar Liqasının qrup mərhələsində 2022/23 mövsümünə start verilib.
Corner.az-ın məlumatına görə, G qrupunda Dortmund "Borussiya"sı doğma meydanda "Kopenhagen"i qəbul edib və 3 cavabsız qolla qalib gəlib.
E qrupunda isə Azərbaycan millisinin üzvü Mahir Emrelinin çıxış etdiyi Zaqreb "Dinamo"su doğma meydanda "Çelsi"ni qəbul edib. Matç zaqreblilərin 1:0 hesablı qələbəsi ilə yekunlaşıb. "Dinamo"ya qələbə gətirən qolu 13-cü dəqiqədə Orsiç imza atıb.
Mahir əvvəldən sona kimi görüşü ehtiyat oyunçular skamyasından izləyib.
Qeyd edək ki, "Dinamo" növbəti oyununu sentyabrın 14-də səfərdə "Milan"a qarşı keçirəcək.
