- Çempionlar liqası
- 15:45 31.01.2025
UEFA Çempionlar Liqasında qrup mərhələsinə start verilib. Corner.az xəbər verir ki, ilk oyun günündə E, F, G və H qruplarında ümumilikdə 8 görüş baş tutub.
E qrupunda Azərbaycan millisinin hücumçusu Mahir Emrelinin çıxış etdiyi Zaqreb “Dinamo”su Xorvatiyada İngiltərə “Çelsi”sini sınağa çəkib. Azərbaycanlı futbolçunun sonadək ehtiyatda qaldığı matçda komandası güclü rəqibinə 1:0 hesabıyla qalib gəlib. Qrupun digər matçında “Zalsburq”un qonağı olan “Milan” ilk oyundan heç-heçə ilə ayrılıb.
F qrupunda turnirin son qalibi İspaniya “Real”ı Şotlandiyada “Seltik”in qonağı olub və darmadağınla qələbə qazanıb. Donetsk “Şaxtyor”u isə Almaniyada “Leypsiq”i böyük hesabla məğlub edib.
G qrupunda İngiltərə “Mançester Siti”si İspaniyada “Sevilya”nın qonağı olub və 4 cavabsız qolla qalib gəlib. Dortmund “Borussiya”sı da “Kopenhagen”i darmadağın edib.
Gecənin maraqla gözlənilən daha bir oyunu isə Fransada PSJ və İtaliya “Yuventus”u arasında keçirilib. Üç qolun qeydə alındığı bu matçda meydan sahibləri çətin qələbə qazanıb. “Benfika” da Portuqaliyada Hayfa “Makkabi”sini 2 cavabsız qolla məğlub edib.
İlk turun digər 8 matçı sentyabrın 7-də keçiriləcək.
UEFA Çempionlar Liqası
Qrup mərhələsi, 1-ci tur
6 sentyabr
E qrupu
Dinamo (Zaqreb, Xorvatiya) – Çelsi (İngiltərə) 1:0
Qol: Orşiç, 13.
Zalsburq (Avstriya) – Milan (İtaliya) 1:1
Qol: Okafor, 28 – Salemakers, 40.
F qrupu
Leypsiq (Almaniya) – Şaxtyor (Donetsk, Ukrayna) 1:4
Qol: Simakan, 57 – Şved, 16; 58. Mudrik, 76. Traore, 85.
Seltik (Şotlandiya) – Real (İspaniya) 0:3
Qol: V.Junior, 56. Modriç, 60. Hazard, 77.
G qrupu
Borussiya (Dortmund, Almaniya) – Kopenhagen (Danimarka) 3:0
Qol: Roys, 35. Gerreyro, 42. Bellingem, 83.
Sevilya (İspaniya) – Mançester Siti (İngiltərə) 0:4
Qol: Haland, 20; 67. Foden, 58. R.Dias, 90+2.
H qrupu
PSJ (Fransa) – Yuventus (İtaliya) 2:1
Qol: Mbappe, 5; 22 – Makkenni, 53.
Benfika (Portuqaliya) – Makkabi (Hayfa, İsrail) 2:0
Qol: R.Silva, 50. Qrimaldo, 54.
