“Real” Çempionlar Liqasının qrup mərhələsinin 3-cü turu çərçivəsində qarşılaşacağı Donetsk “Şaxtyor”u ilə matça ciddi itki ilə çıxacaq. Corner.az xəbər verir ki, Tibo Kurtua Ukrayna təmsilçisi ilə matçda oynamayacaq.
30 yaşlı qolkiper qarşılaşmanın “23-lüy”ünə düşməyib. “Real” 3-cü turun matçına digər qolkiperləri – Andrey Lunin, Luis Lopes və Lukas Kanisaresi sifariş edib.
Belçikalı oyunçu sağlamlığı ilə bağlı problem yaşayır. O, qurşaq nahiyəsində ağrılardan əziyyət çəkir.
F qrupunun “Real” – “Şaxtyor” oyunu saat 23:00-da başlayacaq.
