Messi Benfika ilə oyunu buraxacaq

PSJ klubunun futbolçusu Lionel Messi Fransada Portuqaliya "Benfika"sına qarşı UEFA Çempionlar Liqasının qrup mərhələsinin IV tur oyununu buraxacaq.

Corner.az "Le Parisien" nəşrinə istinadən xəbər verir ki, 35 yaşlı hücumçu zədə səbəbindən komandasına kömək edə bilməyəcək.

"Reyms"lə qolsuz heç-heçə etdikləri Liqa 1-in X tur matçı buraxan argentinalı oyunçu Paris təmsilçisinin bugünkü hazırlıq prosesinə də qatılmayıb.

Messi daha əvvəl baldır nahiyəsindən zədə alıb.

Qeyd edək ki, oktyabrın 11-də keçiriləcək PSJ - "Benfika" görüşü Bakı vaxtı ilə saat 23:00-da başlayacaq.