Yuventus Hayfa'ya, Milan Çelsi'yə uduzdu

Çempionlar liqası
01:07 12.10.2022
Oxunma sayı: 171

Bu gün UEFA Çempionlar Liqasının qrup mərhələsində 4-cü tura start verilib. Corner.az xəbər verir ki, ilk oyun günündə E, F, G və H qruplarında ümumilikdə 8 görüş baş tutub.

Azərbaycan millisinin futbolçusu Mahir Emrelinin formasını geyindiyi Zaqreb "Dinamo"su evdə "Zalsburq"la üz-üzə gəlib və “sülh bağlayıb”. E qrupunun digər matçında isə "Çelsi" İtaliyada "Milan"ın qonağı olub. London təmsilçisi bu görüşdən inamlı qələbə ilə ayrılıb.

F qrupunda ÇL-in sonuncu qalibi “Real” Polşada Donetsk "Şaxtyor"unun qonağı olub. Madrid təmsilçisi bu oyunda məğlubiyyətdən son dəqiqələrdə xilas olub. Bu qrupun digər matçında “Seltik” evdə “Leypsiq”ə 2 cavabsız qolla uduzub.

G qrupunda "Mançester Siti" Danimarkada "Kopenhagen"in qonağı olub. Bu oyunda qapılara ümumiyyətlə qol vurulmayıb. Dortmund "Borussiya"sı isə Almaniyada "Sevilya" ilə heç-heçə edib.

H qrupunda “Yuventus” İsraildə Hayfa "Makkabi"sinin qonağı olub və məğlubiyyətə üzülüb. PSJ doğma meydanda "Benfika"nı qəbul edib. Bu görüşdə isə qalib müəyyənləşməyib.

Bu turun qalan 8 oyunu oktyabrın 12-də keçiriləcək.

UEFA Çempionlar Liqası
Qrup mərhələsi, 4-cü tur
11 oktyabr

E qrupu

Milan (İtaliya) - Çelsi (İngiltərə) 0:2
Qol: Jorjinyo, 21-pen. Obameyanq, 34.

Dinamo (Zaqreb, Xorvatiya) - Zalsburq (Avstriya) 1:1
Qol: Lyubiçiç, 40 – Seyvald, 12.

Xal: Çelsi – 7. Zalsburq – 6. Milan – 4. Dinamo – 4.

F qrupu

Seltik (Şotlandiya) - Leypsiq (Almaniya) 0:2
Qol: Verner, 75. Forsberq, 84.

Şaxtyor (Donetsk, Ukrayna) - Real (İspaniya) 1:1
Qol: Zubkov, 46 – Rüdiger, 90+5.

Xal: Real – 10. Leypsiq – 6. Şaxtyor – 5. Seltik – 1.

G qrupu

Kopenhagen (Danimarka) - Mançester Siti (İngiltərə) 0:0