- Çempionlar liqası
- 10:29 22.10.2024
Kilian Mbappe Fransanın PSJ klubunun UEFA Çempionlar Liqasında ən çox qol vuran futbolçusu ünvanına sahib olub.
Corner.az-ın məlumatına görə, 23 yaşlı hücumçu buna evdə Portuqaliya "Benfika"sı ilə 1:1 hesablı heç-heçə etdikləri qrup mərhələsinin IV tur oyununda nail olub.
39-cu dəqiqədə penaltidən fərqlənən fransalı oyunçu Paris təmsilçisinin heyətində qitənin bir nömrəli klub turnirindəki qollarının sayını 31-ə çatdırıb. Mbappe hazırda İspaniya "Valensiya"sında çıxış edən Edinson Kavanini (30 qol) geridə qoyub.
Qeyd edək ki, Kilian Mbappe 2017-ci ildən PSJ-də çıxış edir.
