ÇL: Daha 4 komanda 1/8 finala vəsiqəni təmin etdi

Bu gün UEFA Çempionlar Liqasının qrup mərhələsində 5-ci tura start verilib. Corner.az xəbər verir ki, 4 qrup çərçivəsində daha 8 oyun baş tutub.

E qrupunda “Çelsi” Avstriyada “Zalsburq”un qonağı olub və bu görüşdən qələbə ilə ayrılmaqla 1/8 finala vəsiqəni təmin edib. Qrupun digər matçında Azərbaycan millisinin hücumçusu Mahir Emrelinin çıxış etdiyi Zaqreb "Dinamo"su doğma meydanda “Milan”ı qəbul edib. 25 yaşlı futbolçunun sonunadək ehtiyatda qaldığı bu görüşdə komandası darmadağına üzülüb.

F qrupunda “Leypsiq” doğma meydanda Madrid “Real”ını qəbul edib və çətin qələbə qazanıb. Donetsk “Şaxtyor”u isə Şotlandiyada "Seltik"lə üz-üzə gəlib və bu görüşdə qalib müəyyənləşməyib 

G qrupunda "Sevilya" doğma meydanda "Kopenhagen"i qəbul edib və 3 cavabsız qolla qələrək qrupda ilk qələbəsini qazanıb . Digər oyunda isə Dortmund "Borussiya"sı doğma meydanda "Mançester Siti" ilə üz-üzə gəlib. Bu oyunda qapılara ümumiyyətlə qol vurulmayıb. Amma bu heç-heçəyə baxmayaraq Almaniya təmsilçisinin 1/8 finala vəsiqəni təmin edib. 

H qrupunda isə PSJ evdə Hayfa "Makkabi"sini qəbul edib və böyük hesabla məğlub qalib gəlibsə, Lissabon təmsilçisi də doğma meydanda "Yuventus" üzərində çətin qələbə qazanıb. Beləliklə, PSJ və “Benfika” 1/8 finala yüksəliblər.

Xatırladaq ki, daha əvvəl İtaliyanın "Napoli", Belçikanın "Brügge", Almaniyanın "Bayern", İspaniyanın "Real" və İngiltərənin "Mançester Siti" komandaları pley-off vəsiqəni təmin etmişdilər.

UEFA Çempionlar Liqası
Qrup mərhələsi, 5-ci tur
25 oktyabr

E qrupu

Zalsburq (Avstriya) - Çelsi (İngiltərə) 1:2
Qol: Adamu, 49 – Kovaçiç, 23. Haverts, 64.

Dinamo (Zaqreb, Xorvatiya) - Milan (İtaliya) 0:4
Qol: Qabbia, 39. Leao, 49. Jiru, 59. Lyubiçiç, 69-öz qapısına.

Xal: Çelsi – 10. Milan – 7. Zalsburq – 6. Dinamo – 4.

F qrupu

Seltik (Şotlandiya) - Şaxtyor (Donetsk, Ukrayna) 1:1
Qol: Yakumakis, 34 – Mudrik, 58.

Leypsiq (Almaniya) - Real (İspaniya) 3:2
Qol: Qvardiol, 13. Nkunku, 18. Verner, 81 – Vinisius, 44. Rodriqo, 90+4-pen.

Xal: Real - 10. Leypsiq - 9. Şaxtyor - 6. Seltik - 2.

G qrupu

Sevilya (İspaniya) - Kopenhagen (Danimarka) 3:0
Qol: En Nesiri, 61. İsko, 88. Montyel, 90+2.

Borussiya (Dortmund, Almaniya) - Mançester Siti (İngiltərə) 0:0

Xal: Mançester Siti - 11. Borussiya - 8. Sevilya - 5. Kopenhagen - 2.

H qrupu

PSJ (Fransa) - Makkabi (Hayfa, İsrail) 7:2
Qol: Messi, 19; 45. Mbappe, 32; 64. Neymar, 35. Qoldberq, 67-öz qapısına. Soler, 84 – Sek, 38; 50.

Benfika (Portuqaliya) - Yuventus (İtaliya) 4:3
Qol: A.Silva, 17. J.Mario, 28-pen. R.Silva, 35; 50 – M.Kin, 21. Milik, 77. Makkenni, 79.

Xal: PSJ - 11. Benfika - 11. Yuventus - 3. Makkabi - 3.