Daha 3 komanda 1/8 finala yüksəldi

UEFA Çempionlar Liqasının qrup mərhələsində 5-ci tura yekun vurulub. Corner.az xəbər verir ki, A, B, C və D qrupları üzrə bütövlükdə 8 oyun baş tutub.

A qrupunda "Liverpul" səfərdə "Ayaks"ın qonağı olub və darmadağınla qalib gələrək vaxtından əvvəl 1/8 finala adlayıb. Qrupun digər matçında "Napoli" doğma meydanda "Reyncers"i sınağa çəkib və növbəti qələbəsini rəsmiləşdirib.

B qrupunda "Portu" Belçikada "Brügge"nin qonağı olub və böyük hesabla qalib gələrək pley-offa vəsiqəni təmin edib. Buna Madrid "Atletiko"sunun "Bayer"lə ev oyununda xal itkisi ilə üzləşməsi şərait yaradıb.

C qrupunda "İnter" Plzen "Viktoriya"sına 4 cavabsız qolla qalib gəlib. Nəticədə İtaliya təmsilçisi vaxtından öncə 1/8 finala yüksəlib. "Barselona" isə doğma meydanda "Bavariya" ilə qarşılaşıb və darmadağına üzülüb. Kataloniya təmsilçisinin qrupda qalması rəsmiləşib.

D qrupunda isə "Tottenhem" evdə "Sportinq"lə heç-heçə edib. Qrupun digər oyununda Marsel “Olimpik"i "Ayntraxt"ın (Frankfurt) qonağı olub və məğlubiy olub.

Xatırladaq ki, daha əvvəl İtaliyanın "Napoli", Belçikanın "Brügge", Almaniyanın "Bayern" və "Borussiya" (Dortmund), İspaniyanın "Real", Fransanın PSJ, Portuqaliyanın "Benfika", İngiltərənin "Mançester Siti" və "Çelsi" komandaları pley-off vəsiqəni təmin ediblər.

UEFA Çempionlar Liqası
Qrup mərhələsi, 5-ci tur
26 oktyabr

A qrupu

Napoli (İtaliya) - Reyncers (Şotlandiya) 3:0
Qol: C.Simeone, 11; 16. Estiqor, 80.

Ayaks (Niderland) - Liverpul (İngiltərə) 0:3
Qol: Salah, 42. Nunes, 49. Elliott, 52.

Xal: Napoli - 15 . Liverpul - 12. Ayaks - 3. Reyncers - 0.

B qrupu

Brügge (Belçika) - Portu (Portuqaliya) 0:4
Qol: Taremi, 33; 70. Evanilson, 57. Eustakio, 60.

Atletiko (Madrid, İspaniya) - Bayer (Almaniya) 2:2
Qol: Karrasko, 22. De Paul, 50 – Diabi, 9. Hadson-Odoi, 29.

Xal: Brügge - 10. Portu - 9. Atletiko - 5. Bayer - 4.

C qrupu

İnter (İtaliya) - Viktoriya (Plzen, Çexiya) 4:0
Qol: Mxitaryan, 35. Dzeko, 42; 66. Lukaku, 87.

Barselona (İspaniya) - Bavariya (Almaniya) 0:3
Qol: Mane, 10. Şupo-Motinq, 31. Pavar, 90+5.

Xal: Bayern - 15. İnter - 10. Barselona - 4. Viktoriya - 0

D qrupu

Tottenhem (İngiltərə) - Sportinq (Portuqaliya) 1:1
Qol: Bentankur, 80 - Eduards, 22.

Ayntraxt (Almaniya) – Olimpik (Marsel, Fransa) 2:1
Qol: Kamada, 3. Muani, 27 – Genduzi, 22.

Xal: Tottenhem - 8. Sportinq - 7. Ayntraxt – 7. Olimpik - 4.