- Çempionlar liqası
- 23:17 11.05.2026
Portuqaliyanın "Portu" klubunun qapıçısı Dioqu Koşta UEFA Çempionlar Liqasının tarixinə düşüb.
Corner.az-ın məlumatına görə, 23 yaşlı qolkiper buna Belçikada "Brügge"ni 4:0 hesabı ilə məğlub etdikləri qrup mərhələsinin V tur matçında nail olub.
Qarşılaşmada Noa Lanqın penaltisini dəf edən Koşta qitənin bir nömrəli klub turnirində bir mövsümdə 3 penaltini qaytaran ilk qapıçı adına sahib çıxıb.
Qeyd edək ki, "Portu"nun yetirməsi olan portuqaliyalı qolkiper 2019-cu ildən əsas komandada çıxış edir.
