İtaliyanın “Milan” komandasının baş məşqçisi Stefano Pioli UEFA Çempionlar Liqasının 1/8 final mərhələsi çərçivəsində İngiltərə təmsilçisi “Tottenhem”ə qarşı keçirəcəkləri oyundan öncə fikirlərini bölüşüb. Corner.az xəbər verir ki, o, matçdan öncə baş tutan mətbuat konfransında bunları söyləyib:
“Çempionlar Liqasının 1/8 finalında asan rəqib gözləmirdik. “Tottenhem” maraqlı komandadır. Biz bu rəqibə qarşı ən yaxşı şəkildə hazırlanmağa çalışmışıq. Bu, “Milan” və İtaliya futbolunu yaxşı tanıyan güclü məşqçidən, usta oyunçulardan təşkil olunmuş, sıx oyun nümayiş etdirən, əla təşkilatlanmış komandadır. Fikrimcə, bərabər səviyyəli bir qarşılaşma olacaq”.
“Tottenhem”in baş məşqçisi Antonio Konte isə bunları bildirib:
“Çempionlar Liqası elə bir turnirdir ki, burada hər cür nəticə qeydə alına bilər. Bizi çox ciddi bir rəqib gözlədiyini yaxşı bilirik. Amma bunu da başa düşürük ki, oyun bərabər səviyyəli olacaq”.
