Heç vaxt belə bir gecə yaşamamışam

UEFA Çempionlar Liqasının 1/8 final mərhələsi çərçivəsində baş tutan “Liverpul” – “Real” görüşündə qonaqlar 5:2 hesablı əzmkar qələbəyə sevinib. Corner.az xəbər verir ki, bu möhtəşəm oyundan sonra baş məşqçilər və futbolçular oyunla bağlı öz fikirlərini bölüşüblər:

“Real”ın baş məşqçisi Karlo Ançelotti: “Belə qələbə qazanmaq asan deyil. Xüsusilə, matçın bizim üçün necə başladığına nəzər alsaq. Biz heç vaxt inamımızı itirmədik və yavaş-yavaş topa nəzarəti ələ keçirdik. Vinisius Junior bu gecə inanılmaz bir performans göstərdi”.

“Liverpul”un baş məşqçisi Yurgen Klopp: “Başlanğıc əla idi. Bir sözlə, bu, biz idik. Mükəmməl idi, tam olaraq belə oynamaq istəyirdik amma bunun davam gətirmək daha vacib idi”.

“Real”ın qapıçısı Tibo Kurtua: “Biz heç vaxt məğlub olmuruq, həmişə reaksiya veririk. Vurduğumuz ilk iki sürətli qol bizə bunu göstərdi. Biz sakit idik və yüksəlişdə olanda yaxşı oynayırıq”.

“Real”ın müdafiəçisi Antonio Rudiger: “Mən heç vaxt futbolda belə bir gecə yaşamamışam”.

“Liverpul”un kapitanı Cordan Henderson: “Belə oyundan sonra danışmaq çətindir. İlk hissənin böyük hissəsində yaxşı çıxış etdik. Amma sonradan çoxlu səhvlər etdik. “Real” bizi hər səhvə görə cəzalandırdı”.