“Mançester Siti”nin baş məşqçisi Pep Qvardiola UEFA Çempionlar Liqasının 1/8 finalında Almaniyanın “Leyptsiq” komandasına qarşı keçirdikləri oyunla bağlı fikirlərini bölüşüb.
Corner.az xəbər verir ki, ispaniyalı mütəxəssis ikinci hissədə yaxşı çıxış etmədiklərini deyib:
“İkinci hissədə bir addım belə, irəliyə doğru hərəkət edə bilmədik. Onlar daha sıx oynamağa başladılar. Buraxdığımız qoldan sonrakı 20 dəqiqəni daha yaxşı keçirdik. Həm birinci, həm də ikinci hissədə yaxşı anlarımız oldu. Heç-heçə yaxşı nəticə sayıla bilər. Təkcə ilk hissədə yox, matç boyu futbolçularımın oyunundan razı qaldım. Artıq bir çox güclü komandalar turnirdən kənarda qalıb. Bizdən 4:0 hesablı qələbə gözləyirdizsə, üzr istəyirəm. Biz bunu edə bilməzdik”.
Xatırladaq ki, “Mançester Siti” ilə “Leyptsiq” arasındakı cavab oyunu martın 14-də İngiltərədə baş tutacaq.
