PSJ-nin hücumçusu Kilian Mbappe Çempionlar Liqasının 1/8 finalında “Bavariya”ya qarşı keçirəcəkləri cavab oyunundan öncə fikirlərini bölüşüb.
Corner.az xəbər verir ki, fransalı futbolçu martın 8-də baş tutacaq səfər oyununda het-trikə imza atacağına inandığını bildirib:
"202, 203 və 204-cü hədəfləri çərşənbə gününə saxladımmı? Bəli, ümid edirəm! Biz ora növbəti mərhələyə çıxmaq üçün gedirik. Biz əzmkarıq və qalib gələcəyik!”
Xatırladaq ki, Çempionlar Liqasının 1/8 final mərhələsi çərçivəsində Parisdə keçirilən PSJ - "Bavariya" qarşıdurmasının ilk oyunu münhenlilərin 1:0 hesablı qələbəsi ilə başa çatıb. Oyunda yeganə qolu "Bavariya"nın cinah oyunçusu Kinqsli Koman vurub.
