Ötən gecə UEFA Çempionlar Liqasının 1/8 finalında İngiltərənin “Çelsi” klubuna uduzaraq turnirlə vidalaşan Almaniyanın “Borussiya” (Dortmund) komandası ciddi itki ilə üzləşib. Corner.az xəbər verir ki, Dortmund təmsilçisinin yarımmüdafiəçisi Yulian Brandt bu matçın əvvəlindəcə zədələnərək 5-ci dəqiqədə əvəzlənmək məcburiyyətində qalıb.
26 yaşlı futbolçunun zədəsinin nə dərəcədə ciddi olduğu ətraflı müayinələrdən sonra müəyyənləşəcək.
Alman oyunçu bu mövsüm “Borussiya”nın heyətində meydana çıxdığı 31 oyunda 9 qol vurub, 5 məhsuldar ötürmə edib.
Xatırladaq ki, “Borussiya” “Çelsi”yə doğma meydanda 1:0 hesabıyla qalib gəlsə də, səfərdə 0:2 hesabıyla uduzaraq mübarizəni dayandırıb.
