- Çempionlar liqası
- 10:29 22.10.2024
UEFA Çempionlar Liqasında 1/8 final mərhələsinə yekun vurulub. Corner.az xəbər verir ki, son oyun günündə keçirilən iki qarşılaşma ilə 1/4 finalın bütün iştirakçıları bəlli olub.
“Real” İngiltərədə 5:2 hesabı ilə qalib gəldiyi "Liverpul"u bu dəfə doğma meydanda qəbul edib. Madrid təmsilçisi evdə də rəqibi üzərinə qələbə qazanıb.
Digər matçda isə "Napoli" Almaniyada 2:0 hesabı ilə məğlub etdiyi "Ayntraxt"la bu dəfə evdə qarşılaşıb. Neapol təmsilçisi evdə daha inamlı hesabla qələbəyə sevinib.
Xatırladaq ki, daha əvvəl Almaniyanın "Bayern", Portuqaliyanın "Benfika", İngiltərənin "Çelsi" və "Mançester Siti", həmçinin İtaliyanın "Milan" və "İnter" komandaları 1/4 finala vəsiqə qazanıblar.
UEFA Çempionlar Liqası
1/8 final, cavab oyunları
15 mart
"Real" (İspaniya) - "Liverpul" (İngiltərə) 1:0
Qol: Benzema, 79.
Baş hakim: Feliks Tsvayer (Almaniya).
İlk oyun – 5:2.
Madrid, "Santyaqo Bernabeu" stadionu.
"Napoli" (İtaliya) – "Ayntraxt" (Almaniya) 3:0
Qol: Osimhen, 45+2; 53. Zelinski, 64-pen.
Baş hakim: Entoni Teylor (İngiltərə).
İlk oyun – 2:0.
Neapol, "Dieqo Armando Maradona" stadionu.
