Almaniyanın “Bavariya” klubunun hücumçusu Erik Şupo-Motinq İngiltərədə “Mançester Siti”yə qarşı keçiriləcək UEFA Çempionlar Liqasının 1/4 final mərhələsinin ilk oyununu buraxacaq. Corner.az klubun rəsmi saytına istinadən xəbər verir ki, 34 yaşlı forvard diz oynaqlarında problem olduğu üçün səfər matçında yer almayacaq.
Kamerunlu futbolçunun yaşıl meydanlara nə vaxt qayıdacağı məlum deyil.
Xatırladaq ki, aprelin 11-də keçiriləcək “Mançester Siti” – “Bavariya” oyununa saat 23:00-da start veriləcək. Cavab görüşü aprelin 19-da keçiriləcək.