“Bavariya”nın baş məşqçisi Tomas Tuxel Çempionlar Liqasının 1/4 final mərhələsinin “Mançester Siti” ilə ilk oyunu öncəsi mətbuat konfransında açıqlama verib.
Corner.az xəbər verir ki, almaniyalı mütəxəssis görüşlə bağlı bunları deyib.
“Bu qarşılaşmanı səbirsizliklə gözləyirik, çünki böyük sınaqdır. Biz bu sınaqlardan keçmək istəyirik.Uğur qazanmaq şansına sahib olmaq üçün son nəticələrə əsaslanmalısınız. Rəqibin necə oynayacağını başa düşmək asandır. Qvardiolanın komandaları özünəməxsus üslubu ilə seçilir. Biz “Siti”ni həm topla, həm də topsuz mübarizə aparmağa məcbur etməyin yollarını tapmağa çalışacağıq. Son bir neçə həftə ərzində rəqibi tam şəkildə təhlil etməyə çalışmışıq. Mən İngiltərədə işləmişəm və güman edirəm ki, bizi nəyin gözləyəcəyi barədə bir fikrim var. Biz “Siti”nin həddindən artıq dominant olmasına mane ola biləcək gücdəyik”.
