Çempionlar Liqasının (ÇL) 1/4 final mərhələsində “Çelsi” ilə keçirilən ilk oyun “Real”ın baş məşqçisi Karlo Ançelotti üçün əlamətdar olub. Corner.az saytı xəbər verir ki, italiyalı mütəxəssis 2:0 hesabı ilə qalib gəldikləri görüşdə “kral klubu”nun tarixinə düşüb.
Ançelotti “Real”ın "sükanı arxası"nda ÇL-də 35-ci qələbəsini qazanaraq, bu baxımdan bütün həmkarlarını qabaqlayıb. Ona qədər rekord Visente Del Boskeyə məxsus olub. İspaniyalı 60 qarşılaşmada madridlilərlə 34 qələbə sevinci yaşayıb. Ançelottiyə isə 35 qalibiyyət üçün 47 matç kifayət edib.
Qeyd edək ki, bu komandalar arasında cavab oyunu aprelin 18-də keçiriləcək.
