“Həmişə olduğu kimi yaxşı, motivasiyalıyıq”. Corner.az xəbər verir ki, bunu Madrid “Real”ının baş məşqçisi Karlo Ançelotti bu gün Çempionlar Liqasının 1/4 final mərhələsinin cavab görüşündə “Çelsi” ilə qarşılaşma öncəsi mətbuata açıqlamasında bildirib.
İtalyan mütəxəssis 90 dəqiqə ərzində hər şeyin mümkün ola biləcəyini bildirib: “Mükəmməl matç keçirməyi düşünürük. 90 dəqiqə ərzində hər şey ola bilər. Əlimizdən gələnin ən yaxşısını etməyə çalışacağıq. Tarix deyir ki, “Real” bu turnirin kralıdır və biz bu klubun yalnız kiçik bir hissəsiyik. Bu klub Çempionlar Liqasında hökmranlıq edir, 14 kubok qazanıb və biz də daha bir qələbə qazanaraq töhfə verməyə çalışırıq”.
Qeyd edək ki, bu komandalar arasında Madriddə keçirilmiş görüşdə “Real” 2:0 hesablı qələbə qazanıb.
