Çempionlar Liqasında 1/4 final mərhələsinin cavab oyunlarına start verilib. Corner.az xəbər verir ki, ilk oyun günündə iki qarşılaşma keçirilib.
“Çelsi” doğma meydanda Madrid “Real”ı ilə münasibətlərinə aydınlıq gətirib. İlk oyunda 2 cavabsız qolla qələbə qazanan Madrid nəhənginə səfərdə heç-heçə də kifayət edirdi. “Zadəganlar” isə mərhələ adlamaq üçün ÇL-in son qalibinə darmadağınla qalib gəlməliydi. Amma bu görüşdə də inamlı qələbə qazanan İspaniya təmsilçisi yarımfinala çıxıb.
Günün digər oyunu İtaliyanın iki təmsilçisi – “Napoli” ilə “Milan” arasında olub. Bu komandaların ilk oyununda da milanlılar minimal hesabla qalib gəlmişdilər. Qonaqlara Neapolda heç-heçə də kifayət edirdi. “Napoli” isə yalnız qələbə qazanacağı təqdirdə mərhələ adlaya bilərdi. Amma bu görüşdə heç-heçə qeydə alındığına görə "Milan" yarımfinala adlayıb.
UEFA Çempionlar Liqası
1/4 finalın cavab oyunları
18 aprel
Çelsi (İngiltərə) – Real (İspaniya) 0:2
Qol: Rodriqo, 58; 80.
Baş hakim: Daniel Orsato (İtaliya).
London. “Stemford Bric” stadionu.
İlk oyun – 0:2.
Napoli (İtaliya) – Milan (İtaliya) 1:1
Qol: Osimhen, 90+3 - Jiru, 43.
Baş hakim: Şimon Marçinyak (Polşa).
Neapol. “Dieqo Armando Maradona” stadionu.
İlk oyun – 0:1.