“Real” son 13 mövsümdə 11 dəfə Çempionlar Liqasının yarımfinalına yüksəlib. Corner.az xəbər verir ki, İspaniya klubu dünən “Çelsi”ni 1/4 final mərhələsinin cavab görüşündə məğlub edərək, yoluna davam edib.
Bu, “kral klubu”nun baş məşqçisi Karlo Ançelotti üçün ÇL-də 9-cu yarımfinal olacaq. İtalyan mütəxəssis “Mançester Siti”nin baş məşqçisi Pep Qvardiolaya məxsus rekordu təkrarlayıb.
Ancaq Qvardiola bu gün “Bavariya”nı keçsələr, yenidən mütləq rekordçu olacaq.
Qeyd edək ki, “Real” ilk görüşdə də “Çelsi”ni 2:0 hesabı ilə üstələmişdi. Bu gün baş tutacaq “Bavariya” – “Mançester Siti” qarşılaşmasından sonra madridlilərin yarımfinaldakı rəqibi bəlli olacaq. İngiltərədəki ilk qarşılaşmada “şəhərlilər” 3:0 hesablı qələbə qazanıb.
