UEFA Çempionlar Liqasının 1/4 final mərhələsində “Milan” İtaliya təmsilçisi “Napoli”ni üstələyərək (1:0, 1:1) yarımfinala yüksəlib. Corner.az xəbər verir ki, sözügedən komanda turnirin qalibi olsa belə, hücumçu Zlatan İbrahimoviç medalsız qalacaq.
Buna səbəb 41 yaşlı ulduzun iştirak ərizəsində yer almamasıdır. İsveçli oyunçu bu mövsüm Çempionlar Liqasında matça çıxmayıb.
Xatırladaq ki, İbrahimoviç heç vaxt ÇL-in qalibi olmayıb.
“Milan” ÇL-in yarımfinalında “İnter” (İtaliya) – “Benfika” (Poruqaliya) cütünün qalibi ilə üz-üzə gələcək.